O primeiro logotipo do noso proxecto decidiuse en outubro do 2015.

As propostas, máis de vinte, foron elaboradas polo alumnado de 3º da ESO nas sesións da materia de Educación Plástica. Porén, o luns 23 de outubro do devandito ano, realizouse unha votación en que participaron tanto o profesorado como o alumnado do IES Maruxa Mallo, para así elixir o logotipo que nos distinguiría ao longo deste apaixonante proxecto espacial. A imaxe gañadora foi a que vedes aquí, creada por Antón, Javi, Christian Regueiro, Christian Ferreiro, Anxo e Gonzalo de 3º A da ESO.